Hráefni:

1 kg. Appelsínur

800 gr. Sykur

200 ml. Vatn

Aðferð:

Skolið appelsínurnar, skerið í bátta og hakkið (með berkinum).  Setjið appelsínuhakkið í pott með sykrinum og vatninu, kveikjið undir.  Látið suðuna koma upp, þá er lækkað í eins lágan hita og hægt er, en samt halda suðuni og látið krauma í 2 - 4 klst. (fer eftir magni). Þá er slökkt undir og marmilaðið látið kólna áður en það er sett á krukkur.

Hráefni:
1 lítri krækiberjasafi
1 kg. sykur

1 bréf gel hleypir Gulur

Aðferð:

Tætið ber sundur í matvinnsluvél og sigtið safann frá. Einnig er hægt að setja berin í safapressu og hella safanum í gegnum grisju til að froðan fari ekki með. Hellið safanum í pott ásamt sykri og sjóðið saman í 5-10 mín. og setjið hleypinn saman við og sjóðið í 1 mín. Setjið heitt í hreinar krukkur og lokið strax.

Hráefni:

1 kg. Rababari

1 kg. Sykur

Aðferð:

Skerið rababaran í hæfilega bita og setjið í pott og sykurinn með.  Kveikið undir og látið suðuna koma upp þá er lækkað eins mikið og hægt er til að halda suðuni.  Látið krauma í 4 - 6 klst.  Þá er slökkt undir og sultan látin kólna áður en hún er sett í krukkurnar.

Hráefni:
4-6 stk rauðlaukar
1 msk smjör
2 msk rauðvínsedik
2 msk sykur,
salt og hvítur pipar úr kvörn

Aðferð:

Afhýðið rauðlauka og skerið í báta. Bræðið smjör við miðlungshita og létt steikið rauðlauksbátana. Hellið ediki og sykri yfir rauðlaukinn á pönnunni. Látið á vægan hita og sjóðið saman í þykka sultu. Saltið og piprið eftir smekk.

Hráefni:
600-800 gr vel þroskuð reyniber
8 dl vatn
Sykur ( 1 kg. Sykur á móti 1 L. Af safa úr berjunum)

Aðferð:

Leggið ber í bleyti yfir nótt í kalt vatn blandað örlitlu ediki. Sjóðið berin í vatni við vægan hita í 2 klst. Sigtið gegnum grisju. Mælið safann og notið í 1 kíló af sykri á móti 1 lítra af safa. Setjið í pott og sjóðið þar til þykknar. Setjið í hreinar krukkur og látið kólna.

Hráefni:
1 kg rifsber (látið svolítið af grænum berjum og stilkum fylgja með)
1 kg sykur

Aðferð:

Skolið ber og setjið í pott og látið suðuna koma hægt upp. Sjóðið við vægan hita í 10 mínútur. Bætið sykri út í og sjóðið í 10 mínútur í viðbót. Hrærið í annað slagið á meðan sultan sýður. Síið í gegnum grisju og hellið hlaupinu í hreinar krukkur, látið kólna.

3 bollar haframjöl,
2 ½ bolli spelt,
1 tsk natron,
1 tsk lyftiduft,
250 gr smjör eða smjörliki,
2 bollar púðursykur,
2 egg,
Rabbabarasulta eða önnur gerð eftir smekk.

Aðferð:

Blandið saman þurrefnum, brytjið smjöri saman við og bleytið i með egginu.
Hnoðið deigið.
Fletjið um það bil tvo þriðju af deiginu út og setjið í smurt form. Smyrjið sultu yfir. Myljið afganginn af deiginu yfir eða fletjið það út og skerið í strimla og leggjið yfir.
Bakið kökuna við 200°c.

Hráefni:
150 gr smjör eða smjörlíki
2 ½ dl sykur
3 egg
1 dl mjólk
4 dl spelt
1 tsk lyftiduft
1 tsk vanillusykur (eða dropar)
1 - 2 tsk kakó

Aðferð:

Smjörlíki og sykri hrært saman þar til létt og ljóst. Eggjarauðurnar hrærðar út í ein og ein í einu, hræra vel á milli. Spelti og lyftiduft sett út í síðan mjólk og hræra allt vel saman. Stífþeytið eggjahvíturnar og blandið þeim varlega út í með sleif.
Setja 1/3 af deiginu í aðra skál og hrærið út í það kakói og vanillusykri. Setja dálítið að ljósu deigi í vel smurt formið, setjið helming af brúna deiginu ofan á ljósa síðan koll af kolli enda á ljósu deigi. Gerið munstur í deigið með því að draga hníf óreglulega í gegnum öll lögin.
Bakið á rist neðalega í ofninum við 175°C í allt að 50 mín. Látið kökuna standa í forminu í nokkrar mín. áður en henni er hvolt á rist. Gott er að hafa formið yfir henni meðan hún kólnar.

Hráefni:
2. egg
1 1/2. dl. sykur
1 3/4.dl. spelt
1. tsk. lyftiduft
100.gr. brætt smjörliki
1 1/2. tsk, möndludropar.

Krem:
Bleikur glassúr: florsykur---heittvatn--matarlitur.

Aðferð:  

Egg og sykur þeytt vel saman. Spelti og lytiduft bætt út í og hrært smá . Smjörliki og dropum bætt í. Sett í vel smurt form. Bakað í ca. 30.min við 175c.  Kakan kæld, glassúrinn búin til og settur ofan á kökkuna.

Hráefni:
250 gr. smjör, mjúkt
250 gr. sykur
5 egg
250 gr. spelt

Aðferð:

Hitið ofninn í 175°C. Hrærið saman smjör og sykur þar til blandan verður ljós og létt. Bætið eggjunum út í, einu í einu og hrærið vel saman. Bætið að síðustu speltinu út í og blandið vel saman. Setjið deigið í smurt jólakökuform og bakið í um 1 klst.