Uppskriftir og fróðleikur

um spelt, bakstur og mat.

29.07.2009 13:20

Vatnsdeigsbollur

Hráefni:
2 dl. vatn

50 gr. smjörlíki

100 gr. spelt

3 stk. egg


Aðferð:

Setjið vatn og smjörlíki í pott og láta suðuna koma upp, gætið þess að smjörið bráðni.
Bætið speltinu í pottinn (á þessu stigi lækka ég hitann á hellunni) og hrærið í með sleif þar til myndast hefur slétt og samfellt deig, laust frá pottinum. Takið af hitanum og sejið í skál og sáldra smá sykri yfir degið,  kælið.  Hrærið síðan eggjunum saman við einu í einu, hrærið vel á milli. Stundum virðast eggin ekki vilja blandast deiginu en notið þolinmæðina og þess vegna gaffal í staðinn fyrir sleif. Einnig er í lagi að nota hrærivélina.  Setjið degið með matskeið á bökunarplötu  klædda smjörpappír með gott bill á milli.

Bakið í 30-35 mín. við 210°C (200°C í blástursofni.)

Varist að opna ofninn fyrr en vel er liðið á baksturstímann.
Það er mikið hægt að leika sér með svona deig, búa til litlar partýbollur og fylla þær af ís, búðing eða salati. Stórar bolludagsbollur og einnig hring úr deiginu sem hægt er að fylla með ýmsu móti.  En hafa ber í huga að baksturstíminn er breytilegur eftir stærð bollana. Partíbollurnar sem settar eru á með teskeið þurfa ca. 20 mín. en stóru bolludagsbollurnar sem settar eru með kúfaðri matskeið þurfa 45 mín. Og hringurinn svona um 50-60 mín. og honum er sprautað á plötuma, sem má líka gera við bollurnar stórar sem smáar. Þær verða bara fallegri.  

27.07.2009 21:56

Boozt

Hráefni:

Bláberjaboozt
1 lítil dós Bláberjaskyr.is
½ banani
½ pera

 

 

Hráefni:

Tropicalboozt
½ lítil dós Ferskju og hindberjaskyr.is
½ lítil dós Jarðarberjaskyr
½ banani
sneið af ananas
1 - 2 matskeið kókos

 

 

Hráefni:

Jarðarberjaboozt
½ lítil dós Vanilluskyr.is
½ lítil dós Jarðarberjaskyr
½ banani
½ pera
nokkur jarðarber

 

 

Hráefni:

Bananaboozt
½ lítil dós Bláberjaskyr.is
½ lítil dós Ferskju og hindberjaskyr.is
½ banani
½ pera

 

 

Hráefni:

Léttboozt
1 lítil dós Vanilluskyr.is
½ banani
sneið af melónu
½ pera
dass af hreinum appelsínusafi

 

 

Hráefni:

Berjaboozt
1 lítil dós Bláberjaskyr.is
½ banani
nokkur jarðarber

 

 

Hráefni:

Melónuboozt
1 lítil dós Jarðarberjaskyr
½ banani
sneið af melónu

 

Aðferð:

Sama aðferðin við allar uppkriftirnar. Látið allt í blandara og blandið vel saman.
Gott er að nota klaka í uppskriftirnar, sem gerir booztið kaldara og ferskara.

26.07.2009 23:45

Kringlur

Hráefni:
8 dl. Spelt
5 msk. Þurrger
1/2 tsk. Salt
1/2 tsk. Kúmen
3 dl. Vatn
1/2 Egg
2 msk. Matarolía


Aðferð:
Setjið þurrefnin í skál og blandið saman. Blandið saman vatninu og matarolíuni og hellið saman við þurrefnin og blandið saman, loks er egginu blandað saman við deigið.
Látið hefast í 30 - 45 mín. í skálini. Mótið kringlurnar og setjið á plötu klæda bökunarpappír og látið kringlurnar hefast í 30 mín. og bakist svo við 200 - 220°C í 10 - 15 mín.
Ath: Ef þið hnoðið deigið í hrærivél er best að nota krókinn og byrja rólega og þegar þurrefnin og vökvinn er komin í þokkalegt deig er gott að auka hraðan í smá tíma því þá verða kringlurnar loft meiri, hefast betur.  

26.07.2009 23:35

Kryddbrauð

Hráefni:
3 dl spelt
3 dl haframjöl
3 dl mjólk
2 dl sykur
1 tsk kakó
1 tsk natron
1 tsk kanill
1/2 tsk engifer
1/2 tsk negull
smá salt

 

 

Aðferð:

Allt sett saman og hrært vel. Sett í smurt form og bakað við 175 gráður í 1-1 1/2 klst

26.07.2009 23:23

Lítil fléttubrauð

Hráefni:
2 ½ dl volgt vatn
3 tsk þurrger
1 tsk salt
1 tsk sykur
400 - 450 g spelt
1 egg til penslunar
Birki eða sesamfræ sem skraut

 

 

Aðferð:
Setjið gerið, sykurinn og saltið út í vatnið.  Bætið út í speltinu þar til deigið er viðráðanlegt.  Látið lyfta sér á hlýjum stað í 30 mín.  Hnoðið deigið og skiptið því í 16 parta.  Skiptið hverjum bita í 3 parta og gerið ca 12 cm lengjur. 

Fléttið saman 3 lengjur, setjið á plötu, smyrjið með eggi og setjið birki eða sesamfræ ofan á.  Bakið á blæstri og 200°C í ca 15 mín.

24.07.2009 00:00

Skonsur

Hráefni

3 bollar Spelt
1/2 bolli Sykur
3 tsk. Lyftiduft
1/2 tsk. Natron
2 stk. Egg
3 dl. Mjólk


Aðferð:

Blandið þurrefnunum saman í skál, bættið mjólkinni og eggjunum útí þurrefnin og blandið vel saman, en passið að hræra ekki of mikið því þá verða skonsurnar seigar.  Bakið skonsurnar á pönnukökupönnu við vægan hita.

Ath. Ef ekki er til pönnukökupanna er líka hægt að baka skonsurnar á venjulegri pönnu, en þá eru skonsurnar bara litlar eins og klattar og lummur. Einnig  ef svo ílla fer að það er ekki til panna... en vöfflujárn, þá er ekkert sem bannar það að baka skonsurnar í vöfflujárninu.

 


23.07.2009 00:00

Speltbrauð

Hráefni:
5 dl. Spelt
1 dl. Haframjöl
3 tsk. Vínsteinslyftiduft
1/2 tsk. Salt
2 dl. AB-mjólk
1 1/2 dl. Sjóðandi vatn
1 stk. Egg


Aðferð:
Blandið saman þurrefnunum. Setjið vökvann útí og hrærið eins lítið og hægt er.
Smyrjið eitt jólakökkuform. 
Bætið egginu saman við degið, en passið að hræra eins lítið og hægt er.
Bakað í 25 - 35 mín við 200°C.


Einnig er hægt að bæta þeim kryddum og öðru sem okkur þykir gott útí brauðið, t.d:
2 hvítlauksrif
1 tsk tandoori krydd
pítsusósu í stað hluta vökvans
sólþurrkaðir tómatar
ólífur
oregano
timian
strá osti yfir

22.07.2009 00:00

Vefjur

Hráefni:
5 dl. Spelt
1 tsk. Salt
1/2 dl. olía
150-175 ml. Heitt vatn

Aðferð:
Sigtið speltið og saltið í skál, nuddið olíunu inn í speltið og loks er vatninu bætt saman við í smá skömtum og hnoðað. fletjið út og þurrsteikt á pönnu. Gott er að bleita klút til að hafa undir og yfir kökunum þegar búið er að steikja þær. Ath. passið að steikja ekki of mikið því þá verða kökurnar stökkari og þá erfiðara að vefja þeim saman.

21.07.2009 00:00

Æðislegur pizzabotn

Hráefni: 

6 dl. volgt vatn
1 bréf þurrger
900 gr. spelt (fínmalað)
3 tsk. salt
4 msk. ólífuolía

Aðferð:

Öllu blandað saman og hnoðað vel. Bætið við vatni eða spelti eftir því sem þurfa þykir. Látið hefast í 30-60 mín eða þar til deigið hefur um tvöfaldast að stærð.
Þetta er frekar stór uppskrift, hana má alveg helminga.

Til tilbreytingar:

- Notið grófmalað spelt í stað hluta af fínnmöluðu spelti
- Bætið oreganó í deigið eða jafnvel fínt söxuðum hvítlauk
- Notið deigið til að búa til brauðstangir (penslið þær með ólífuolíu og kryddið eftir smekk)
- Fyrir börnin (t.d. frábært fyrir skipulagða vinahópa eða afmælisveislurnar), skiptið deiginu jafnt niður eftir fjölda barna, setjið mismunandi álegg í skálar og leyfið hverju barni að föndra við sína pizzu.


Þessar gömlu góðu.

Tenglar

Flettingar í dag: 220
Gestir í dag: 30
Flettingar í gær: 59
Gestir í gær: 29
Samtals flettingar: 354721
Samtals gestir: 99896
Tölur uppfærðar: 30.9.2020 08:55:17