Uppskriftir og fróðleikur

um spelt, bakstur og mat.

Flokkur: Súpur

10.08.2015 05:19

Húsmæðrasúpa Línu

2 rauðar papríkur

2 grænar papríkur

1 box sveppir

1 laukur

1 rauðlaukur

1 púrrulaukur

6 hvítlauksrif

400 gr. hvítkál

250 gr smjör

1-2 bréf beikon (klippið niður í litla bita)

2 dósir niðursoðnir tómatar (maukaðir í matvinnsluvél)

2 dósir vatn (látið renna í sitt hvora dósina og þannig skolað hana í leiðinni)

2 flöskur Heins chili sause

1 flaska vatn (gerið eins skolið flöskuna og bætið við í súpuna)

3 grænmetiskraftur

400 gr. rjómaostur (1 askja)

5 dl rjómi

1-2 msk. karrý

1 msk. papríka

Salt eftir smekk

 

Saxið niður allt grænmeti og setjið í pott ásamt smjörinu. Létt steikið í smá stund bætið þá beikoninu saman við og steikjið áfram í ca. 10 mínútur við lágan hita.

Bætið maukuðum tómötunum, chilli sósunni og vatninu í pottinn og hrærið í, myljið grænmetisteningana saman við. Bættið rjómaostinum og rjómanum út í og kryddið. Látið suðuna koma upp og látið mala í 30 mín við lágan hita.   

 

 

Berið fram með soðnu eggi

13.06.2014 22:55

Kjúklingasúpa

Hráefni:
1 msk. Olía
1 tsk. Karrý
2 stk. Rauðar paprikur
2 stk. Grænar paprikur
1 stk. Púrrulaukur (blaðlaukur)
10 stk. Hvítlauksgeirar
1 L. Vatn (ég set alltaf 1,5 L)
1 flaska. Hot Chilli tómatsósa frá Hunts (má líka vera mild)
1 askja. Rjómaostur (400 gr)
1/4 L. Rjómi (ég set 1/2 - 1 L af rjóma eða 1/2 L. af rjóma og 1 dós af kókosmjólk)
2 stk. Kjúklingateningar
2 stk. Grænmetisteningar
4 stk. Kjúklingabringur
Salt og pipar eftir smekk (Mér finnst gott að setja Tondorri krydd í staðin fyrir pipar)

Aðferð:
Saxið paprikurnar og púrrulaukinn smátt eða bara eftir smekk. Hitið pönnuna og setjið olíuna og karrýið á pönnuna og látið hitna vel, setjið saxað grænmetið á pönnuna og rífið eða pressið hvítlaukinn út í og látið grænmetið svitna. Setjið vatnið og teningana í stóran pott og kveikjið undir á miðlungshita. Setjið grænmetið af pönnuni í pottinn og hrærið í. Ekki þvo pönnuna því gott er að steikja kjúklingabringurnar upp úr kryddinu sem er eftir er á pönnuni þegar grænmetið er sett í pottinn. Og steikjið bringurnar þar til þær eru steiktar í gegn. Þetta tekur ca. jafn langan tíma og láta suðuna koma upp á súpuni. Bætið rjómaostinum, Chilli sósuni og rjómanum saman við það sem er í pottinum þegar bringurnar eru komnar á pönnuna og látið suðuna koma upp við miðlungshita (því ef notaður er hæðsti hitinn þá er hætt við því að súpan brenni við eða það ferstist við botninn út af öllun rjómanum og rjómaostinum). Svo þegar suðan er kominn upp er súpan tilbúinn. Saltið og kryddið eftir smekk. Þegar bringurnar eru tilbúnar eru þær brytjaðar niður í litlabita og settar saman við súpuna.
Það má bera súpuna fram með brauði og/eða tortilla flögum en það þarf ekki því súpan er svo matar mikil.

Athugið:
Til þess að gera þessa súpu fyrir grænmetisætur þá má sleppa kjúklingnum og kjúklingateningunum og bætt við fleirrum grænmetisteningum.

Þetta er stór uppskrift og þá upplagt að gera hana ef von er á mörgum gestum og gott er að gera súpuna daginn áður því hún er ekki síðri daginn eftir og er jafnvel betri þá. Einnig er gott að frysta súpuna. 

12.06.2014 04:00

Mexíkósk súpa

Hráefni: 

1 stk grillaður kjúklingur
2 stk laukar
4 stk hvítlauksbátar (pressaðir
2
msk olía
2 dósir niðursoðnir tómatar
1 stk teningur kjúklingakrafur + ½ ltr.vatn
1 stk teningur nautakjötskraftur + ½ ltr
1 líter tómatdjús
1 msk koriander
1 ½ tsk chili
1 ½ tsk cayannepipar

Aðferð:

Laukur + hvítlaukur skorinn og mýktur í olíunni í stórum potti, öllu hinu blandað saman við. Látið malla í ca. 2 tíma. Smakkað til og má ef til vill setja meiri hvítlauk eða krydd.  1 stk grillaður kjúklingur brytjaður og settur út í ca. ½ tíma fyrir framreiðslu.  Sýrður rjómi, nachoflögur og rifinn ostur borið fram með súpunni.

12.06.2014 02:29

Sveppasúpa

Hráefni:
600 g sveppir
2 msk smjör
safi úr 1 sítrónu
3 skalottulaukar
4 hvítlauksrif
2 msk ólífuolía
1,2 l grænmetissoð eða vatn
1 stór kartafla skorin í teninga
1,5 dl þurrt rauðvín
2 smk sojasósa
salt og pipar eftir smekk
tímjan og rósmarín, 1/2 tsk af hvoru

4 msk sýrður rjómi
söxuð steinselja til skrauts

Aðferð:

Hellið sjóðandi vatni yfir sveppina og látið liggja í ca. 20 mínútur. Laukurinn og hvítlaukurinn léttsteiktur upp úr smjörinu, sveppunum bætt útí ásamt 1 msk af ólífuolíunni, látið malla við vægan hita í 5-10 mínútur. Bætið víni og sojasósu út í, ásamt kryddjurtunum. Látið krauma áfram í 10 mínútur. Síið sveppavökvann og bætið soði við, heildarmagn er ca. 1,2 lítrar, og bætið kartöflunni við, suðan látin koma upp og soðið áfram við lágan hita í 30 mínútur.
Kryddið með salti og pipar og skreytið með steinselju

  • 1

Þessar gömlu góðu.

Tenglar

Flettingar í dag: 128
Gestir í dag: 33
Flettingar í gær: 73
Gestir í gær: 41
Samtals flettingar: 354406
Samtals gestir: 99836
Tölur uppfærðar: 28.9.2020 18:52:06